Thursday, June 2, 2011
ലാലിന്റെ കാസനോവ ഓണത്തിന്
മോഹന് ലാല് റോഷന് ആന്ഡ്രൂസ് ടീമിന്റെ കാസനോവ ഓണത്തിനു റിലീസാകുന്നു .ജൂലൈയില് ആണ് ആദ്യം റീലിസ്ചെയ്യാന് തീരുമാനിച്ചിരുന്നതെങ്കിലും ലാലിന് ഓണചിത്രങ്ങള് ഇല്ലാത്തതിനാല് റിലീസ് ഓഗസ്റ്റിലാക്കുകയായിരുന്നു .
ഒട്ടേറെ പ്രത്യേകതകളുമായിട്ടാണ് കാസനോവ വരുന്നത്. മലയാളത്തില് ഇതുവരെ പരീക്ഷിച്ചിട്ടില്ലാത്ത ആക്ഷന്രംഗങ്ങളാണ് കാസനോവയില് ചിത്രീകരിച്ചിരിക്കുന്നത് ഹോളിവുഡ് ചിത്രങ്ങളിലൂടെ പ്രശ്തരായ വില്യം ഫ്രാന്സ് സ്പില്ഹോസ് ടീംമാണ് ആക്ഷന് രംഗങ്ങള് ഒരുക്കിയിരിക്കുന്നത് .ക്ലൈമാക്സ് ഷൂട്ടിംങ്ങ് ദുബായിന് അണ് പൂര്ത്തികരിച്ചത് .ബാങ്കോങ്ങിലാണ് ഭൂരിഭാഗവും ചിത്രീകരിച്ചിരിക്കുന്നത്
പൂക്കള് വില്ക്കുന്ന വ്യാപാരിയാണ് ലാല് അവതരിപ്പിക്കുന്ന കാസനോവ .പ്രണയം കാസനോവക്ക് ഒരു വീക്ക്നെസ് ആണ് .ആഡംമ്പര ജീവിതം നയിച്ച് കാമുകിമാരെ വിസ്മയിപ്പിക്കുക എന്നതാണ് കാസനോവയുടെ ഇഷ്ടവിനോദം .തെന്നിന്ത്യയിലെ ഗ്ലാമര് റാണിമാരായ ശ്രേയ ശരണ് ,ലക്ഷമീ റായി,റോമ,സഞ്ജന എന്നിവര് നായികമാരായി മല്സരിച്ച് അഭിനയിച്ചിരിക്കുന്നു .ജഗതീ ശ്രീകുമാര് ,ലാലു അലക്സ് ,റിയാസ് ഖാന് ,ശങ്കര് തുടങ്ങി മലയാളസിനിമയിലെ നൂറിലേറെ പേര് ചിത്രത്തില് അഭിനയിച്ചിട്ടുണ്ട് .അഞ്ച് ഗാനങ്ങളാണ് കാസനോവയില് ഉള്ളത് .യശശരീരനായ ഗിരീഷ് പുത്തഞ്ചേരിയുടെ വരികള്ക്ക് ഗോപീ സുന്ദര് ,അല്ഫോണ്സ് ,ഗൗരി എന്നിവര് ചേര്ന്ന് സംഗീത സംവിധാനം നിര്വ്വഹിച്ചിരിക്കുന്നു .
ട്രാഫിക്ക് എന്ന ഹിറ്റ് ചിത്രത്തിനുശേഷം ബോബി സഞ്ജയ് ടീമിന്റെ വ്യത്യസ്തമായ ഒരു തിരക്കഥയാണ് കാസനോവ. ലാലിന്റ ആരാധകരെ തൃപ്തിപ്പെടുത്തുന്ന തരത്തിലുള്ള എല്ലാ ചേരുവകളും ചിത്രത്തിലുണ്ടെന്നു സംവിധായകന് റോഷന് ആന്ഡ്രൂസ് പറയുന്നു .ഉയര്ന്ന ബജറ്റിലുള്ള സിനിമ നിര്മ്മിക്കുന്നത് സി .ജെ റോയിയാണ് വിതരണം മാക്സ് ലാബ് .
Subscribe to:
Post Comments (Atom)
No comments:
Post a Comment